ओ तो संसार वीरा घडी पळक रो मेळो हो

अरे ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

अरे पांडव सरीखा राजवी आया जुग रे माँई हो
पांडव सरीखा राजवी आया जुग रे माँई हो
भीम सारिखो पांडव नहीं रे मिळे
अरे भीम सारिखो योद्धा नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

अरे हरिश्चंद्र जेड़ा दानी आया जुग रे माँई हो
हरिश्चंद्र जेड़ा दानी आया जुग रे माँई हो
तारामती जैसी राणी नहीं रे मिळे
अरे तारामती जैसी राणी नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

अरे राम सरीखा राजवी आया जुग रे माँई हो
राम सरीखा राजवी आया जुग रे माँई हो
लक्ष्मण सरिखो भाई नहीं रे मिळे
अरे लक्ष्मण सरिखो वीरो नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

अरे मात-पिता ऋ कावड़ लेने तीरथ करवा चाले
मात-पिता ऋ कावड़ लेने तीरथ करवा चाले हो
शरवण सरिखो बेटो नहीं रे मिळे
अरे शरवण सरिखो बेटो नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे

अरे हाथ जोड़े ने ऐ तो मीराबाई बोले हो
हाथ जोड़े ने ऐ तो मीराबाई बोले हो
संतो रो संगडो वीरा नहीं रे मिळे
संतो रो संगडो वीरा नहीं रे मिळे

ओ तो संसार वीरा घडी पळक रो मेळो हो
ओ तो संसार वीरा घडी पळक रो मेळो हो
एडो रे अवसरियो पाछो नहीं रे मिळे
एडो रे अवसरियो पाछो नहीं रे मिळे
अरे भीम सरीखा योद्धा नहीं रे मिळे
अरे तारामती जेड़ी राणी नहीं रे मिळे
अरे लक्ष्मण सरिखो भाई नहीं रे मिळे
अरे शरवण सरिखो बेटो नहीं रे मिळे
अरे संतो रो संगडो वीरा नहीं रे मिळे

धिन घडी जी धिन भाग दयालु घर आविया रे

ओ धिन घडी धिन भाग म्हारे
ओ धिन घडी जी धिन भाग
दयालु घर आविया रे म्हारे
धिन घडी रे धिन भाग
दयालु घर आविया रे म्हारे
धिन घडी धिन भाग

ए धिन घडी धिन भाग म्हारे
धिन घडी धिन भाग म्हारे
ए धिन घडी धिन भाग
दयालु घर आविया रे म्हारे
धिन घडी रे धिन भाग
दयालु घर आविया रे म्हारे
धिन घडी धिन भाग

हे सतगुरु आया, गाँव में ए ए जी संतो
जिणी जिणी उडे रे गुलाल
सतगुरु आया, गाँव में ए ए जी इ इ संतो
जिणी जिणी उडे रे गुलाल
धिन गुरु आया, आंगणे म्हारे
धिन गुरु आया, हे आंगणे जी
ए मोतीडा सुं लेवु रे बधाय
दयालु घर आविया रे म्हारे
धिन घडी धिन भाग
दयालु घर आविया रे म्हारे
धिन घडी धिन भाग

अरे गाय दुवाडूं, गोरडी इ जी इ इ संतो
दूदे पखारूँ पाँव
गाय दुवाडूं, गोरडी इ जी इ इ संतो
दूदे पखारूँ पाँव
ऊँचा दिरावूं गुरु, बेसणा जी
ऊँचा दिरावूं गुरु, बेसणा जी
हो पंखे ढुळावूँ रे वाव
दयालु घर आविया रे म्हारे
धिन घडी धिन भाग
दयालु घर आविया रे म्हारे
धिन घडी धिन भाग

अरे दातण देरावूँ काची केळ रा आ आ जी इ इ संतो
झार गंगाजळ नीर
दातण देरावूँ काची केळ रा आ आ जी इ इ संतो
झार गंगाजळ नीर
अरे भेंस दुवाडूं, ए भूरडी जी
भेंस दुवाडूं, भूरडी जी
पुडळी रंदावूँ रे खीर
दयालु घर आविया रे म्हारे
धिन घडी धिन भाग
दयालु घर आविया रे म्हारे
धिन घडी धिन भाग

अरे चावळ रंधावूं, उजळा आ आ जी इ इ संतो
हरिया मूंगा री दाळ
चावळ रंधावूं, उजळा आ आ जी इ इ संतो
हरिया मूंगा री दाळ
हे लाडु बणावूँ घेवर लापसी जी
लाडु बणावूँ घेवर लापसी जी
हे रुसी रुसी भोग लगाय
दयालु घर आविया रे म्हारे
धिन घडी धिन भाग
दयालु घर आविया रे म्हारे
धिन घडी धिन भाग

अरे बाई रे मीरा री विनती इ इ जी इ इ संतो
सुणजो श्रीजन हार
बाई रे मीरा री विनती इ इ जी इ इ संतो
सुणजो श्रीजन हार
शरणे आया, आपडी जी
शरणे आया, आपडी जी
ए कर दीजो भवसर पार
दयालु घर आविया रे म्हारे
धिन घडी धिन भाग
दयालु घर आविया रे म्हारे
धिन घडी धिन भाग

धिन घडी धिन भाग म्हारे
धिन घडी धिन भाग म्हारे
ए धिन घडी धिन भाग
दयालु घर आविया रे म्हारे
धिन घडी रे धिन भाग
दयालु घर आविया रे म्हारे
धिन घडी धिन भाग

मेहँदी रे वाई ढोला मेड़ते,म्हारा बालमा रंग लागो

मेहँदी रे वाई ढोला मेड़ते |
तो इणो तातो गियो गुजरात ||
अरे रच गयी गोरी रे हाथ में |
पिया मोही लियो मन इ ||

मेहँदी रे वाई ढोला मेड़ते,
वाँरो तान्तैयो गियो गुजरात
म्हारा बालमा रंग लागो
इणो तान्तैयो गियो गुजरात
म्हारा सायबा रंग लागो

आँठ टका रे नवी रोषिडा रे
बळ्ये जावे रे देशावर म्होय
म्हारा बालमा रंग लागो
बळ्ये जावे रे गाँवडिया रे म्होय
म्हारा बालमा रंग लागो
हे मेहँदी हाथळिया रो लाल
म्हारा बालमा रंग लागो

जाय ढोले सने, इंयों कैजो रे
थारी बेन परणीजे घरे आव
म्हारा बालमा रंग लाग्यो
थारी बेनलडी परणीजे घरे आव
म्हारा बालमा रंग लाग्यो

बेन परणीजे मैं तो क्या करूँ रे
थे तो डाईजो दीजो भरपूर
म्हारा बालमा रंग लाग्यो
थे तो डाईजो दीजो भरपूर
म्हारा बालमा रंग लाग्यो

जाय ढोले सने, इंयो कैजो रे
थारा वीरोसा परणीजे घर आव
म्हारा बालमा रंग लाग्यो
थारा वीरोसा परणीजे वेगा आव
म्हारा बालमा रंग लाग्यो
हे मेहँदी हाथळिया वाळो लाल
म्हारा बालमा रंग लाग्यो

हे वीरोसा परणीजे मैं तो क्या करूँ रे
थे तो जानिडा ले जैजो भरपूर
म्हारा बालमा रंग लाग्यो
हे जानिडा ले जैजो भरपूर
म्हारा बालमा रंग लाग्यो
हे मेहँदी हाथळिया वाळो लाल
म्हारा बालमा रंग लाग्यो

हे जाय ढोले सने, इंयों कैजो रे
थारा माताजी चल्या हे घरे आव
म्हारा बालमा रंग लाग्यो
थारी माताडी चली हे घरे आव
म्हारा बालमा रंग लाग्यो

माता चली तो मैं तो क्या करूँ रे
थे तो खोपरिया सुं दाग दिराव
म्हारा बालमा रंग लाग्यो
थे तो खोपरिया रो दैजो भले दाग
म्हारा बालमा रंग लाग्यो
म्हारी मेहँदी हाथळिया रो लाल
म्हारा सायबा रंग लाग्यो
म्हारी मेहँदी हाथळिया वाळो लाल
म्हारा बालमा रंग लाग्यो

जाय ढोले सने इंयों कैजो रे
थारा भाबोजी चल्या है घरे आव
म्हारा बालमा रंग लाग्यो
थारा भाबोजी चल्या रे घरे आव
म्हारा बालमा रंग लाग्यो

भाबो चल्या तो मेहँदी क्या करूँ रे
थे तो चन्दन करो दैजो भले दाग
म्हारा बालमा रंग लाग्यो
थे तो चन्दन करो दाग दिराव
म्हारा बालमा रंग लाग्यो
मेहँदी हाथळिया वाळो लाल
म्हारा बालमा रंग लाग्यो

जाय बालम सने इंयों कैजो रे
थारी परण्योडी ने डंस गयो वासट नाग
म्हारा बालमा रंग लाग्यो

जाय ढोले सने इंयों कैजो रे
थारी गोराधळ ने खादो काळो नाग
म्हारा बालमा रंग लाग्यो
म्हारी मेहँदी हाथळिया रो लाल
म्हारा सायबा रंग लाग्यो

छाणा रे छुगती दावळी
मने केवे नी घरों रा समाचार
म्हारा बालमा रंग लाग्यो
मने केवे नी घरों रा समाचार
म्हारा बालमा रंग लाग्यो
म्हारी मेहँदी हाथळिया रो लाल
म्हारा बालमा रंग लाग्यो

ए लो राजाजी थारी नौकरी रे
म्हारे घर में हो गयो अन्याव
म्हारा बालमा रंग लाग्यो
म्हारे घरे रे पड्यो मोटो काम
म्हारा बालमा रंग लाग्यो
म्हारी मेहँदी हाथळिया रो लाल
म्हारा सायबा रंग लाग्यो

एक टके री राजा, नौकरी रे
घरे लाखों रूपिया री नार
म्हारा बालमा रंग लाग्यो
घरे लाखों रूपिया री नार
म्हारा बालमा रंग लाग्यो
म्हारी मेहँदी हाथळिया रो लाल
म्हारा सायबा रंग लाग्यो

मेहँदी रे वाई ढोला मेड़ते,
वाँरो तान्तैयो गियो गुजरात
म्हारा बालमा रंग लागो
इणो तातों गियो गुजरात
म्हारा बालमा रंग लागो
म्हारा सायबा रंग लाग्यो
म्हारा बालमा रंग लागो

चालो चालो ब्रह्माजी रे धाम

चालो जी चालो, चालो भाईडा रे,
चालो चालो ब्रह्माजी रे धाम
अरे चालो जी चालो, चालो भाईडा रे,
चालो चालो ब्रह्माजी रे धाम

मरुधर देश मलानी ज्यांरी
महिमा जुग संसार वखाणी
आसोतरा री धरती न्यारी
खेतारामजी है तपधारी
मंदीर दियो रे चुणाय भाईडा हो,
चालो चालो ब्रह्माजी रे धाम

अरे चालो जी चालो, चालो रे भाईडा हो,
चालो चालो ब्रह्माजी रे धाम

अरे पुरोहित समाज सुं चंदो लीनो
संपत राखो, एको किनो
अरे भक्ति रो है मार्ग झिणो
जन जन ने आशीष है दिनो
सुणजो सब नर-नार, भाईडा हो,
चालो चालो ब्रह्माजी रे धाम

अरे चालो जी चालो, चालो रे भाईडा हो,
चालो चालो ब्रह्माजी रे धाम

अरे ब्रह्मधाम मनडे हद सोहे
ब्रह्मधाम मनडे हद सोहे
अधीर झरोखा मनडो मोहे
बाग़ बगीचा मन हर लेवे
कोयल मोर पपैया केवे
किनो किनो खेतेश्वर उपकार, भाईडा हो,
चालो चालो ब्रह्माजी रे धाम

अरे चालो जी चालो, चालो रे भाईडा हो,
चालो चालो ब्रह्माजी रे धाम

अरे हर पूनम ने मेळो रे भरीजे
हर पूनम ने मेळो रे भरीजे
अरे दर्शन करिया भाग जागे
अरे मन दाता रे चरणों में लागे
दीपो चरणों में चितलावे
गावे गावे दास प्रसाद , भाईडा हो
चालो चालो ब्रह्माजी रे धाम


अरे चालो जी चालो, चालो रे भाईडा हो,
चालो चालो ब्रह्माजी रे धाम

सतगुरु सा म्हाने, प्रेम प्यालो पायो रे

मने करी मनवारी, पिलायो रे
सतगुरु सा म्हाने, प्रेम प्यालो पायो रे
दयालु म्हाने प्रेम प्यालो पायो रे

मने करी मनवारी, पिलायो रे ... (२)
सतगुरु सा म्हाने, प्रेम प्यालो पायो रे
दयालु म्हाने प्रेम प्यालो पायो रे

असिंगी जुगा री म्हारी, नींद उडाई रे (२)
हे म्हाने सुतोडा ने आय, जगायो रे ... (२)
सतगुरु सा म्हाने, प्रेम प्यालो पायो रे
दयालु म्हाने प्रेम प्यालो पायो रे

मने करी मनवारी, पिलायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

आवु नहीं जाऊं जग में, मरु नहीं जन्मु रे ... (२)
म्हाने अमरापुर रो मारगियो बतायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

मने करी मनवारी, पिलायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

कुटम्ब कबीलों म्हारो, सब जग जुठो रे ... (२)
म्हाने धीन गुरु सही समझायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

मने करी मनवारी, पिलायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

देविनाथ गुरु पूरा मिलिया रे ... (२)
ओ तो राजा रे मान, जश गायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे

मने करी मनवारी, पिलायो रे ... (२)
दयालु म्हाने प्रेम प्यालो पायो रे
सतगुरु सा म्हाने, प्रेम प्यालो पायो रे
सतगुरु सा म्हाने, प्रेम प्यालो पायो रे
सतगुरु सा म्हाने, प्रेम प्यालो पायो रे