थारोडो सायबो वताव

This song is part of "Tolande Rani" album sung by Prakash Maali

Lyrics :
Posted by Gopal Rajpurohit, using transliteration service of Google.
थारोडो सायबो वताव तोलांदे राणी थारोडो सायबो वताव |
इन रे साहेब में म्हारो मन लागो राम अलखधणी || .... (२)

हिरणा चरे वन म्हाय, ओ जेसल राजा हिरणा चरे वन म्हाय |
इन रे हिरणा में म्हारो सायबो राम अलखधणी ||

हिरणा जोया वन म्हाय, ओ सती राणी हिरणा जोया वन म्हाय |
इन रे हिरणा में नहीं सायबो राम अलखधणी ||

मोरला चुगे वन म्हाय, जाडेजा राजा मोरला चुगे वन म्हाय |
इन रे मोरला में म्हारो सायबो राम अलखधणी ||

मोरला जोया वन म्हाय, ओ तोला राणी मोरला जोया वन म्हाय |
इन रे मोरला में नहीं सायबो राम अलखधणी ||

पूरब पश्चिम रे म्हाय, जाडेजा राजा पूरब पश्चिम रे म्हाय |
पूरब पश्चिम ने सायबो आवशी राम अलखधणी ||

पूरब पश्चिम रे म्हाय, ओ सती राणी पूरब पश्चिम रे म्हाय |
सायब आया ने जेसल उगियो राम अलख धणी ||

कपडा धोवा ने जाय, ओ जेसल राजा कपडा धोवा ने जाय |
सामी मिलिया रे भईबंध पूछियो राम अलखधणी ||

कठासुं लायो एडी नार, जाडेजा राजा कठासुं लायो एडी नार |
जाती पात री माने खबर नहीं राम अलखधणी ||

चाल्या दरिया रे म्हाय, ओ जेसल राजा चाल्या दरिया रे म्हाय |
सती उड़िया ने जेसल डुबिया राम अलखधणी ||

चाल्या दरिया रे, ओ सती राणी चाल्या दरिया रे म्हाय |
सायब आया जेसलने तारिया राम अलखधणी ||

सायब थारो बताव, तोला राणी थारोडो सायबो वताव |
इन रे साहेब में म्हारो मन लागो राम अलखधणी ||

बोल्या तोलांदे नार, ओ जेसल राजा बोल्या तोलांदे नार |
जेसल ने तार तोरल तर गया राम अलखधणी ||