इतळ पीतळ रो भर लाई बेवड़ो रे झांझरिया मारा छैल |
कोई कांख मेला टाबरिया री आण मैं जाऊं रे जाऊं रे पीहरिये ||
सासूजी बोले छे म्हाने बोलणा रे झांझरिया मारा छैल |
कोई बाईसा देवे रे म्हाने गाळ मैं जाऊं रे जाऊं रे पीहरिये ||
आया बीरो सा म्हाने लेवा ने रे झांझरिया मारा छैल |
ज्यारी कांई कांई करूं मनवार मैं जाऊं रे जाऊं रे पीहरिये ||
थारे मनाया देवर नहीं मानूं रे झांझरिया मारा छैल |
थारा बड़ोडा बीरोसा ने भेज मैं जाऊं रे जाऊं रे पीहरिये ||
काळी पड़गी रे मन की कामळी रे झांझरिया मारा छैल |
म्हारा आलीजा पे म्हारो सांचो जीव मैं जाऊं रे जाऊं रे सासरिये ||
Subscribe to:
Post Comments (Atom)
No comments:
Post a Comment